سداح     جده غير يامسافره مع جناح الطير حسبي على الطير من هدّه ضـفــّـك جناحه وعينّ خير وحبــــال الأشواق ممتـــدّه يابنت .. مـا للسفـــر تبرير خصــّــن ليا طالــت المــدّه انتي تقولين جــــدّه غير وانتي بعد غير عن جـدّه جيتي بحرها وجاك مغير مشتــال موجــــه على يدّه المــوج ودّه يضمــّك مير البحــــــر . ودّه ولا ودّه يانفحــة الشيح والنويــّر سداح بــاح الجفــا سـدّه وش خانة الشعر والتعبير أبنـــي لك البيت وأهــدّه دايم وطيفــك ضحى واعصير يشنّ هجمـــات مرتــــدّه واليا عرض لي عكست السير ومسحت خدّي على خدّه اليـــاس يقضى على التفكير وافـزع ورا الصبر وارتدّه وانادي الحلــم لـ التفسيـــر ولازلت .. ولا زالت الشدّه من يوم كنتي وكنت صغير نضحــك على العمر ونعدّه واليا حصل بيننا تقصيـــر نصدّ .. ولا تبطي الصدّه لين ابتــدا الشيب والتوقير وعلاقتي معك مشتـــدّه محبــّه .. وحشمه .. وتقدير وانفاس واحساس من قدّه منتي على موجة التغيير يابنت الأجـــواد محتدّه لقيــاك ما تقبل التأخير خصــّن بعد طالت المدّه وانتي تقولين جدّه غير وانتي بعد غير عن جدّه ======================= تحــت الحــزام يا حبيبٍ صد مافيها كلام تلّ كبدي وأنقطع معلوقها قام يفلقها وخلاّها حطام قلت ليه ؟ وقال عدّ فلوقها يوم جاء في نيّته نقطة نظام طيرّ طيور الجفا بسبوقها عقب كنّا في محبّه وانسجام نقطف ثمار الهوى ونذوقها ذعذع الهجر ونشى مزن الخصام وقامت الفرقا تلوح بروقها ما يعزيني سوى نوح الحمام شلت طاروقي على طاروقها وش حصلّك وانت لك قدر ومقام لهجتك ما ينفهم منطوقها ليه تذبحني وأنا ذبحي حرام ماتضيع عهودي ولا أبوقها أذكر أني يوم زاد بك الهيام قلت لك سوق المشاعر سوقها مايفيد الرمي من تحت الحزام أرم .. من حدب الضلوع وفوقها صابرن والطقّ ما فكّ اللحام والليالي شرّها بـ حلوقها صار في شخصيتي شبه انفصام رحت اطشّ السالفه واحوقها أكثر العشاق في سلم الغرام يفتح الله ضايعات حقوقها خاتمك بالمسك يا مسك الختام طبت يا شفّ الجروح وذوقها كان عذرك ماني بقد المقام الخطايا .. قافلن صندوقها لكن اصبر لين ابلّغك السلام من عيونن شالتك في موقها العيون اللي تحبّك بـ انتظام كل بادي ليل ترسل شوقها ==========================     عمو..بابا..مجاراه رنّ الهاتــــــف رنـتــين عمـوّ .. نادولـــي بابه قالـــوا هنا .. انته مين ورديّـنا نفـس الجــــــابه مابـــه غيـــر الوراعين مــن خمّ الســـلك أومابه العـم مهـذري مـن حين ولا تنشــد وش هــــذرابه اللــي بقالــــــه يومين يا مطــر .. وش تبغا به أزرى لا يستـدّ الديـــن وضاقــت عليـــــه ثيـابه يآقـف ثم يمشي مترين ويمسـح دقـنـه واشنـابه وعيـــالـه مــاهم دارين أنــه عايـش بـ اعصـــابه راح العــود وفاله شين ياجعلــه مالـــــه ثابـه وحنـّــا ياعون ويامعين دايـــم لجـهّ واطــلابه عــــرب قولوا والنعمين والنـــار إلهـــا شبابه بين الحبـحـب والسـكين ونغنــيّ بـــ الربــابه نضحك على سور الصين وهرم (خوفو) نرقابه وجيوشـــنا فـ التمرين والمدفــــــع ما يرمابه معنـا السيف ابو حدين يشكــــي حدّه لنصابه فــي طرد الدنيا لاهين ومـــــن ودّا علمه جابه نقــول .. انّــا بعارين ولاّ نصيـــر اذيابـــــه ؟ والأقصى عند الأقصين ولا منّــا اللي صلّى به وشــارون وجدّه رابين يشعــب عليـنا اركابه حيّه بـ لســان وراسين وولدهـا يلحـس نابه عسا النخله والسيفين تبقى لعمـوّ ولـ بابه ================= جورج قرداحي تكفا طلبتك طلب يا جورج قرداحي مع كلّ حلقـــــــه تسجلـّـها تناديني أزهمني اطير لك واسابق جناحي والله له المنّه .. ولحــــــدن يوديني (الأرض يمشي بها المجنون والصاحي) قافـــن .. ودايم تغنيّ به جناحيني أبنفض الريش والبس للهوا وشاحي والشمس لا غمضّت ما غمضّت عيني في ظرف خمسة دقايق تسمع فياحي وصلت سالم عسا ربـــي يعافيني قل مرحبا ياهلا بالشيخ سداحي واقول دام البقــــا والله يحييني مستنكر اصراري ومستغرب الحاحي ابكسر الحاجز اللي بينك وبيني هوايتي قفلّت .. بابــي بمفتاحي وطموحي ارد دمي في شراييني مغير اجر اللحن واومي بمسباحي دخـّـلني أمسابقتـــــك ولا تخليني أسأل وأنا أجاوبك واثق ومرتاحي وفي ذمـّـتك لا تغش ولا تخاشيني ما ابغا اختيارات ولا جمهور صداحي يكفيني اصدح لحالي وانت توحيني ولا تتصل في مناحي سافر مناحي ولا فيه غيره يعرف الجيم والسيني دايم جوابي نهائي لاح ياملاحي مقرود خلقه والاحي من يلاحيني بالك تفلسف عليّ وتنبش اجراحي قل صح ولا خطا والحظ يرضيني ياثقــــل دمــــك ليا عودّت مزاحي لبناني المرجع ودمـّـك فلسطيني مليونك ابـ شنطتك وكفوفك شحاحي وانا ديونــي تعدّن الملاييني وان كان مال النصيب وحظّها طاحي ماقلت لك عطني ولا ابغاك تعطيني اسمع صحيح النبا ياجورج قرداحي ان كان ما اغناني الله منت مغنيني    بشمر قاقه هاجسي مالك عليّه غير ما تطـّاقه الظنون اللي تكودك ماهي أبـ محسوبه تلـّها بيني وبينك والسلوك دقاقه من يلدّ البال صوبك .. لدّ بالك صووبه كيف تطمع في جملنا حالبين الناقه ما نبدّل في جملنا .. ناقة ٍ محلوبه ناقلين القوس جاا للروس موس إحلاقه افلحوا شبّااب دونه ناره المشبوبه ( بنت أبوزيد الهلالي عافت العشاقه مير أبوها ما تغيرّ منطقــه وأسلوبه عوّدت خذها وذقها .. لو مغير ذواقه الحدث فسـّر حديث الساحه المقلوبه قايد الأمّـه نكبها .. وانكبوها رفاقه الله أقوى يا حياة الأمــّه المنكوبه آخر النكسات .. بإسم الشلّه النعاقه يوم كلّن قام ينفخ للعباد ذرووبـه أنتهت حرب العراق بسطوة ٍ فرّااقه حكمة الله فرّقت شمل العرب وشعوبه ما ورا العاقات فود إليا أستلمنا عاقه قام يزمر لين يآخذه الولي بذنوبه راح أبو عدّاي يركز للخرايم ساقه عقب عيّا لا يشيله فـ اللقا عرقوبه سلــّط الله فوقه اللي يحكمون خناقه دكوّا قصوره وشالوا مشلحه عن ثوبه أنتحر .. وألاّ أندحر وألاّ عليه وثاقه أبتدا شعبه يهد أصنامه المنصوبه أيه معركة الحواسم نارها حراقه الحكومه يفتح الله والبلد مسلوبه واللهّ انّا والمنافق ما يكبّ نفاقه نفتخر لكّن مدري نفتخر وشهو به ؟ لعبة ٍ واللي لعبها ما يفلّ اوراقه لين يبني للمصالح جدر .. طوبه طوبه الغنايم للحقود وللعلوم إلحاقه ما بقى من نفط كاضم غير ربع أنبوبه ! يابلاد الرافدين السلطه البراّقــه ما تفككّ لو تقول النوبه آخر نوبه سنّه وشيعه وكردستان وبشمرقاقه ومن يقود زمامهم يصبر على ما جوبه العراقي وحده أبخص في شؤون عراقه أتركوه .. وصبح بكره حلــّته منكوبه ========================== فص ملح وذاب لاشاب راسي وقافي شاب شبـّـبـت قافــي علـى راسي ولبّـسته امن القريض اثياب وجـريّــتــه وقــلت .. لاباسي لو كنـت مـن جرّته منصاب وبلشــان فــي جرّة أنفاسي كــم ليلـةٍ جيت لــه مرتاب شاكيــه مــن وقتــي وناسي وخليـّـتـه يعــديّ المرقاب ودفـيـّـتـــه وطـــاح متواسي وعــوّد عليّـه بشلفـا ذياب وسمـحت لـه يطعن أحساسي مـن ميـزة الشاعـر الكذاب يصــدق قصيـــده مـع الناسي دوبـك على الـنار ياشباب مــاوديّ أضـحــــك لمقبـاسي صحيـح ما يزعـــل الحطاب الاّ .. علــــى طابـــخ الفاسي مفتــوح قلبـي ولا لــه باب كـم فيــه طرقــي وعسّاسي ياصاحبي يوم كنّا أصحاب لـ الحـــبّ دقيــّت الأجــراسي اصيـح لـك والهـــوى غلاب وجوارحـي تضرس اضراسي سمـيّـتـك اسطورة الأحباب يا الناعـــم اللـيّـــن القــاسي ياما كتبتك غزل وإعجاب وش ذنـب حبري وقرطاسي وأسقيتني سمّ ناب الداب وعروقي الخضـــر يبّاسي محبـّـتــك ..فصّ ملح وذاب وذكــراك ما طوّعت باسي لاحلّ هجري وطيفي غاب عسـاك ما تونس اوناسي ميــر البـلا ريحــة الأحباب تهبّ وتذكـّـــر الناسي